Guwahati, K’lyngkot 11 : Ka Assam BJP kala pynpaw ia ka jingsngewskhem ba kan jop kumba 12 seat na ka 14 seat ha ka elekshon Lok Sabha ban wan.
Haba iakren bad ki nongthoh khubor, u President ka BJP Bhabesh Kalita ula pynpaw ia ka jingsngewskhem ha ka jingiatrei lang hapdeng ka party bad ka AGP lem bad ka UPPL bad ong ba kan sa don ka jingiapynbeit ba thikna ban iasam ia ka jingpynieng kyrtong na ki constituency hapoh u bnai Rymphang.
Haba kynthoh ia ka ‘Bharat Jodo Nyay Yatra’ u Rahul Gandhi, u Kalita ula ong ba ka rally ban wan jong u Gandhi kan ym don jingktah satia ia ka BJP.
Ula ong ba kane ka Party bala rim duh, kala duh ia ka jingshaniah na ki nongthep vote bad kan nym wanphai shuh ha ka bor hapoh ka Jylla ha kine ki 25 snem ban wan.
Ka BJP mynta ka don haduh 9 ngut ki MP ha Assam katba ka Congress ka don lai bad mar uwei ia ka AIUDF bad u MP Shimet.
Baroh ki seng sain pyrthei kila pynkhreh bha ia ka elekshon Lok Sabha ban wan bad bun ki Nongialam ba hakhlieh jong ka Ri, kila leit ban iuhkjat ha Assam.
