Tinsukia, Jylliew 26: Ka Iingkashari ka Tinsukia District and Sessions, kala rai pynrem ia 6 ngut ki Pulit bad hukum ban set along shirta jingim namar ka jingdonkti ban bom iap ia uwei u briew, 11 snem mynshwa.
U Tinsukia District and Sessions Judge Dipankar Bora ula pynbna ia kane ka rai pynrem pyrshah iaki 6 ngut ki Pulit hapoh ka Section 302 (murder) jong ka Indian Penal Code.
La iathuh ba kane ka jingjia kala jia ha u bnai Risaw 2013 ha kaba uwei briew ba kyrteng Ajit Sonowal ula shah shoh ha Ambikapur market ha Sadiya.
La pynkynriah ia u sha Assam Medical College and Hospital Dibrugarh, hynrei ula khlad noh namar bala mynsaw jur.
Naka liang u kpa jong u lanot, ula ujor daka ejahar ha Sadiya police station.
La charge sheet bad la bishar ia kine ki Pulit ha Tinsukia District and Sessions Court.
Ka iingbishar hadien bala bishar bniah iaki sakhi sabut bad ki nongsakhi bala wanrah da u nongsaid ain ka Sorkar u Ashok Chaudhary, kala shem ba ki 6 ngut ki Pulit ki donkti ha kane ka kam pyniap briew.
