Guwahati, Jymmang 31: Uwei u Forest Guard ka Assam ula shah pyniap bad lain gut kila mynsaw jur ha ka jingthombor jong ka kynhun ki Nongtuh dieng ha khlaw Bor Matia, kaba hap ha Goalpara District.
Ka khubor ka iathuh ba une u Forest Guard bad lai ngut kiwei pat, kila leit ban kurup ia kawei ka tractor ba kit dieng bad katba ki dang jngoh ia ki dieng, ka kynhun ki nongtuh dieng kila thombor kynsan kynsan ia ki da ki tiar pynmynsaw kiba nep.
Uwei na kiba mynsaw ba kyrteng u Rajbir Ahmed, ula khlad ha lynti sha Guwahati Medical College bad Hospital namar ba la jur palat ka jingmynsaw.
Hadien ka jingioh jingtip ia kane ka jingjia, ki Pulit ka thain kila hiar wut wut sha kane ka jaka ban ai jingiarap ia kine ki briew ka Tnad Forest. Ia kine kiba mynsaw la kit noh sha Goalpara Civil Hospital ban ai jingsumar ba kyrkieh.
U MLA ka Goalpara Abul Kalam Rasheed Alam ula dawa ia ka jingtohkit kaba bniah halor kane ka jingdawa ba kyntu ia ka Sorkar Assam ban pynlong da ka Judicial Inquiry.
Ula dawa ruh ba ka Sorkar Jylla ka dei ban ai jingiarap da ka song pisa ba T. 20 lak sha ki bahaiing hasem jong u Forest Guard uba iap, haba ithuh ia ka jingpha iala ka jingim ban iadaia ki khlaw ki btap ha Assam.
