spot_img

Assam: Shah leh beijot ka Khynnah ha ki runar hapoh ka kali ba iaid ha Cachar

Date:

Share post:

Guwahati, Rymphang 21 : Ha kawei ka jingjia ba sngew triem, kawei ka khynnah 15 snem kala shah leh beijot ha ki 4 ngut ki briew hapoh ka kali kaba iaid, ha Cachar District ka Assam.

Kat kum ka jingiathuh ki Pulit, kane ka jingjia kala jia ha ka 15 tarik Rymphang bad kala paw pyrthei dang ha kine ki khyndiat sngi hadien ba ki bahaiing hasem kane ka khynnah, kila wan ban ujor hapoh ka Kachudaram Police Station.

Ki Pulit ki iathuh ba ia kane ka khynnah la rahbor da kine ki saw ngut bad kila leh beijot ia ka hapoh ka kali.

“Uwei na kine ki saw ngut, u dei uba la 30 snem ka rta bad uba la shong kurim bad u dei ruh uba ithuh ithaw bha ia kane ka khynnah” ong ki Heh Pulit.

Ki iathuh ba une u briew u dang shu thied kali dang shen bad ula khot ia kane ka Khynnah ban iakynduh ia u ha ka janmiet 15 tarik. Haba ka poi ha ka jaka ba u phah wan, kala shah patan shapoh ka kali bad shah leh beijot.

Kat kum ka jingong ki Pulit, kila dep iathuh ia kine ki saw ngut bad ka jingthwet kala iaid shakhmat ban lapdien ia ki.

Ki Pulit kila register case ia kine ki brew hapoh ka Kachudaram Police Station hapoh ka kyndon 376D, 363 jong ka Indian Penal Code (IPC) bad ka Protection of Children from Sexual offences Act (POCSCO).

Share post:

spot_img
spot_img

Popular

More like this
Related

Rong ka umsaw ia u Ophisar ka Tnad Agriculture ha Ri-lum Garo

Tura, Nailar 03 : Uwei u Ophisar ka Tnad...

Dei ban iakren ka PTVC ia ka jingpynkynriah dukan madan beain, dawa ka MGSPHSVA

Shillong, Nailar 03 : Ka Meghalaya & Greater Shillong...

Assam | Shah kem 7 ngut ki samla pule ka JNV-Rangia ba leh kynshlein ia ka Khynnah

Guwahati, Nailar 3: Ki Pulit kilakem noh ia ki...