Guwahati, Rymphang 26: U Public Relations Officer (PRO) ka tnat shipai u Lt Col Amarinder Singh Walia u la shah kem noh ha kane ka sngi Thohdieng ba la lah ha kaba iadei bad ka jingshah pyniap jong kawei ka longlmie.
U Walia uba dei na ka jylla Haryana u la shah kem noh na Tezpur district ka Assam ka ja ka kaba u trei kum u PRO jong ka tnat shipai 4 Corps jong ka Indian Army Mission Chariali hapoh Tezpur.
Katkum ki khubor la ong ba na ka liang ki bor pulit na Changsari kaba hap happh Kamrup district ki la kem noh ia une u heh shipai da ka jingiarap lem ki bor pulit ka Tezpur ha kaba iadei bad ka jingshah pyniap jong kawei ka longkmie.
Katkum ki pulit ia ka metiap jong ka longkmie 35 snem rta la lapdien napoh kawei ka pla plastik ia kaba bret hajan ka surok National Highway 31 ha Changsari hapoh Kamrup.
Ia katei ka longkmie kaba shah pyniap la tip kyrteng kum ka Bandana Shree kaba la leit jmgoh sha Banaras bad wan sha Guwahati napoh Delhi ha ka 14 tarik mynta u bnai na ka bynta ban iakynduh ia u Walia.
Ki pulit ki la ong ba kane ka briew ka la shah rahnor bad shah pyniap ha ki briew ki bym lah ban ithuh ha kawei pat ka ja ka bad bret noh ia ka metiap hajan ka surok highway hapoh ka iew Changsari.
Ha kawei pat ka bynta ia kane ka metiap la phah shapoh Gauhati Medical College and Hospital ban pyndep ia ka post mortem.
“Ngi la kem noh ia u Amarinder Singh Walia bad sdang ban pynlong ka jingtohkit’, ” Ong u heh pulit.
