Guwahati, Aug 26: Uwei u Nongthoh khubor bala rangbah bha ka Assam, ula shah kem ha ka sngi Thohdieng ha Hailakandi District halor ka jingkynnoh ba u khein ia u Mahatma Gandhi kum u Nongsyntait ka Bilat hynrei hadien la pyllait jamin noh ia u.
Une u Nongthoh khubor u kyrteng u Atin Das bala 77 snem ka rta.
Kat kum ka jingiathuh ki Pulit, ia une u Nongthoh khubor la kem haduh ba u President ka Congress Samuddin Barlaskar ula ujor da ka ejahar pyrshah ia u namar ka jingkhein ia u Gandhi kum u Nongsyntiat ka Bilar bad kynnoh ruh ba dei namar u Gandhi bala phiah ia ka Ri India.
Ki Pulit ki ong ba ia une u Nongthoh khubor la kem halor ka kyndon 294 bad 501 IPC bad baroh kine ki kyndon ki dei kiba lah ban bah jamin.
Une u Nongthoh khubor ula pynmih ia kine ki kyntien pyrshah ia u Gandhi ha ka jingialang ban rakhe ia ka’Vibhajan Vibhishika Divas’ (Partition Horror Remembrance Day) kaba long ha ka 14 tarik Nailar.
Ula buh jingkylli halor ka synniang u Mahatma Gandhi haba phai sha ka jingioh laitluid bad kynnoh ruh ba u Gandhi ula shu pynhun tang ia ki katto katne ki paid nongshongshnong.
Pule ruh: Ai sngewbha u PM da ka shawl Meghalaya ia ka Kurim u PM ka Greece
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
