Shillong, Nailar 25: U Myntri Rangbah Duh ka Ri Narendra Modi ula ai sngewbha da ka shawl Meghalaya ia ka kurim jong u Myntri Rangbah Duh ka Greece Kyriakos Mitsotakis bad ka Dokra Art (Chattisgarh) bad ki khiew Bidri (Telangana) sha u President ka Greece.
Ka shawl Meghalaya ka rah lang ia ka khana bad ka jinghiar pateng ki Syiem jong ki spah snem bala leit noh. Ia kane ka shawl la thain na ka bynta ki Syiem jong ka Ri-lum Khasi bad Jaintia, ia kaba la khein kum ka dak jong ka bor bad ka kyrdan ba ki bat.
Ia kane ka shawl la ju phong ha ki tamasa bad ka jingpynwandur ia ki nalor ki rong ki rup, ki phalang ia ka spah bad ka burom jong ka Longiing ki Syiem.
Ryngkat ka nam halor ka jingsyaid bad jingjem, ia ka shawl Meghalaya la thain ha ka rukom kaba kynsai bha. Ki nongthain, kiba bun ki Kynthei, ki pynlut por da ki kynta ban thain bad pynwandur ia ki jingthoh da kaba pyndonkam ia ki buit thain nala tynrai. Ia kine ki shawl la thain da kaba pyndonkam ia ki saiwul ba pynmih hi bad ki rong ba shna na ka mariang.
Kine ki shawl ki dei kiba rem dor bha namar ka jingthain kaba kynsai bad ka jingpynwandur kaba jynjar bha. Kine ki shawl kila paw nam bha ha satlak ka pyrthei.
Pule ruh: Dawa ka TEA bad KSU ia ka TopCEM ban wengkam ia ki bar Jylla
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
 bad ki khiew Bidri (Telangana) sha u President ka Greece.){kind=link}