Guwahati, Nohprah 17 : Uwei u nong Assam ula shah kem ha ki Pulit ka Kerala ha ka sngi Siatjain halor ka jingkynnoh ba u leh beijot ia kawei ka Longmie ba 52 snem bad pynmynsaw jur ia ka ha Kerala ha kine ki saw sngi bala leit noh.
Une u briew ba shah kem u kyrten gu Firdous.
“Ha ka 13 tarik Nohprah, u Firdous la kynnoh ba ula pynbiej ia kane ka Longkmie kaba dei na Allappuzha District kaba trei bylla sngi ha Railway Station, da kaba ong ba un pyni lynti ia ka sha kawei pat ka metro station ba dang thymmai” ong ki Pulit.
“Hynrei dei haba poi ha kawei ka jaka kynjah ba marjan ka overbridge jong ka lynti rel, u Firdous ula khynniat ia kane ka longkmie sha sanium bad leh beijot ia ka shuwa ban phet krad na kane ka jaka” kola pyntip.
Ki trai shnong kila lap ia kane ka Longkmie hapdeng ka jingmynsaw bad la pynkit noh mar mar ia ka sha Hospital ba kan ioh ia ka jingsumar.
