Guwahati, Nailur 02 : Ki Pulit CID ka Assam kila kem ia 7 ngut ki Pulit kynthup u DySP hapoh ka head office ha Ulubari, Guwahati, Assam namar ka jingkynnoh ba ki donkti ha ki kam dawa pisa.
Ka CID kala register case pyrshah ia kine ki Pulit bad u DySP ka Balaji District namar ka jingkynnohdwa pisa bad byrngem pyniap ia uwei u Nongkhaii.
U Director General (DG) ka Assam Gyanendra Pratap Singh ula pyntip ia kane ka jingjia lyngba ka X (ba ju tip mynshuwa ka Twitter) ha kaba ula thoh “Ka Assam Police Headquarter kala ioh pdiangia ka jingujor ha ka taiew ba nyngkong jong u Nailur ba katto katne ki Pulit kila dawa pisa bad ka Vigilance Anti-Corruption Department kala pyrshang ban kem ia kine ki Pulit da kaba pynapshrip”.
Ia kine ki Pulit la pynngat hapoh ka kyndon 120B, 341, 342, 323, 448, 294, 379, 387, 427, 506 bad 307 jong ka Indian Penal Code (IPC).
Kine ki Pulit kila dawa haduh T 5 klur na une u Nongkhaii ha u bnai bala lah bad byrngem ban kem bad pyniap ia u hapoh along lada um siew ia ka pisa.
Une u Nongkhaii ula siew ia kine ki Pulit da ka cheque ba T. 2 klur bad T. 10 lak ka pisa. Ki Pulit kila ioh kurup ia katto katne ki kot ki sla bad ki sakhi pyrshah ia kine ki Pulit.
Kine ki Pulit bala kem da ka CID ki dei u DySP (HQ) Puskal Gogoi, SI Anup Jyoti Patiri (Officer-in-Charge, Patacharkuchi Police Station), SI Debajit Giri, ASI Sasanka Das bad Constable Injamamul Hassan ha ryngkat u home guards Deepjoy Roy bad Nabir Ahmed.
Pule ruh: Khang ka Arunachal Pradesh ban die bad pyndonkam ia ka glue trap ban kem khnai
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
