Guwahati, Jymmang 19 : Ki Pulit ka Assam kila kem ia 4 ngut ki briew halor ka jingkynnoh ba ki leh be-ijot ia ka Khynnah ba 13 snem hapoh ka kali ha Kokrajhar District, Assam.
Kine ki saw ngut ki dei kiba tip kyrteng da u Rubel Rahman, Imbran Hussain, Maminur Rahman bad u Anowar Hussain.
Kat kum ka kaiphod, kane ka Khynnah kala shah leh beijot ha ki saw ngut ki samla hapoh ka kali ba dang iaid ha Kokrajhar myn ha ka 18 tarik Jymmang.
Ki Pulit kila iathuh ba saw ngut ki samla kila patan jubor ia kane ka Khynnah hapoh ka kali bad kila leh beijot ia ka.
“Ia kine ki runar la pynnhat ha ki kyndon bapher bapher jong ka Indian Penal Code (IPC) bad ka Protection of Children from Sexual Offences Act (POCSO). Ia kine ki briew la ialam tian bishar hapoh ka Iingkashari ha Kokrajhar” ong ki Pulit kiba iathuh ba ia kine ki briew la phah mynta sha ka Police custody ba laisngi.
