Guwahati, Nailur 04: Ka All Assam Students’ Union (AASU) ha ka sngi Palei kala pynlong ka jingshah thngan ba 11 kynta ban pyrshah ia ka hukum ne ka immigration order ba thymmai jong ka sorkar kmie, kaba shah ia ki hynriew tylli ki jaitbynriew rit paid na Pakistan, Bangladesh bad na Afghanistan—kiba la wan poi sha India naduh u bnai Nohprah jong u snem 2024 khlem ki kot ki sla kiba biang ban sah hapoh ka ri.
Ha Guwahati, ka Kamrup district unit jong ka AASU kala pynlong ia ka jingiakhih ha Dighalipukhuri, da kaba ïasnohkti lang bad ka jingïakhih ha kylleng ki district headquarter jong ka Assam.
Haba kren sha ki lad pathai khubor u Utpal Sarma uba dei u President ka AASU u la ong, Kane ka sienjam kadei ka jingshet kylla ia ka Assam Accord jong u snem 1985, da ka jingthmu ban beh krad ia baroh ki bar ri kiba wan rung sha Assam hadien u bnai Lber jong u snem 1971, khlem da kheiñ ïa ka niam.
“Ka sorkar BJP government ha Delhi bad ha Dispur ka i kumba ka kham pyrkhat ban iada ia ki Hindu Bangladesh kiba wan beain ban ia kaba iada ia ka hok jong ki trai ri trai muluk ka Assam”, la kynnoh u Sarma bad bynrap ruh
“Ngi la dep ban kit ïa ka jingkit jong ki bar ri haduh u snem 1971. Ka Assam kam lah ban shim ïa ka jingkitkhlieh wat ïa uwei u nongwan buhai shnong beaiñ palat ïa katei ka tarik.”
Shuh shuh u Sarma u la kynnoh ba ka sorkar ka pyrshang ban pynsah ia ki Hindu na Bangladesh hapoh ka jylla Assam hapoh jong ka Immigration and Foreigners’ Exemption Order 2024 bad u la pynpaw ruh ba ka jingdawa jong ka AASU ban pyllait ia ka Assam na baroh ar tylli kata na ka Citizenship (Amendment) Act (CAA) bad ka hukum ba la pyllait thymmai.
U la ban jur ruh halor ka jingdonkam ba mardor ban ia ka jingiada jong ka riti synshar na ka bynta ki jaitbynriew trai ri trai muluk hapoh jong ka Clause 6 jong ka Assam Accord bad dawa ruh ban khangdam ia ka Indo-Bangladesh border “ha ka rukom jong ka thma” ban khanglad ia ka jingwan rung kyrthep shuh shuh.
Shuh shuh ka AASU kala pynbna shuh shuh ia ki tari bad ki sngi ban dang pynkhlain shuh shuh ia ka jingiakhih, kata ha ka 16 tarik mynta u bnai kin pynlong ka jingiakhih baheh bha ha baroh ki district head quarter, ha ka 20 tarik u Nailur kin pynlong ka jingshah thngan ha baroh kawei ka jylla bad ha ka 23 tarik u Nailur kin pynlong da ka Torchlight processions ha baroh ki districts
“Ki jingiakhih kin iai bteng tad haduh ba ka sorkar kmie (Centre) kan pynphai biang ia ka hukum ne ka order.Ngin nym pdiang ia kano kano ka jingpyniapher ia ki bar jylla halor ki jait niam.Dei ban beh beit ia baroh kiba wan rung sha Assam hadien ka snem 1971”, la pynbna u Sarma.
 ha ka sngi Palei kala pynlong ka jingshah thngan ba 11 kynta ban pyrshah ia ka hukum ne ka immigration order ba thymmai jong ka sorkar kmie, kaba shah ia ki hynriew tylli ki jaitbynriew rit paid na Pakistan, Bangladesh bad na Afghanistan—kiba la wan poi sha India naduh u bnai Nohprah jong u snem 2024 khlem ki kot ki sla kiba biang ban sah hapoh ka ri.){kind=link}