Guwahati, Naitung 10: U Myntri ka Tnad pule puthi ka Assam Ranoj Pegu ula pyntip ba hadien ki ‘samla pule rngai’, ka Assam ka don jingthmu ruh ban pynduh jait noh sa ia baroh ki ‘skul rngai bad ki nonghikai rngai’.
Haba iakren bad ki lad pathai khubor, u Pegu ula ong “ Ka Sorkar kan sa pynkut noh ia ki special grant ba ai sha ki skul lada kim lah ban ai ia ki jingtip ba pura halor ka jingdon ki nongtrei bad kan pynsangeh ruh ia ka jingsiew tulop ia ki nongtrei ha kine ki arbnai ban wan”.
“Ngi lah dep lap ia ka jingdon ki samla pule rngai. Mynta, ki lah ruh ban don ki skul rngai bad nonghikai. La leh ia kane ban ioh ia ka song pisa na ka Sorkar. Kumba 4.50 lak ngut ki samla pule engai ha ki skul Sorkar bad shimet la lap hapoh ka Jylla ha u bnai Jylliew” ula ong.
U Pegu u pyntip ba palat 11,000 ngut ki skul Sorkar jong ka Lower bad Upper Primary kim shym la lah ban ai ia ki jingtip ba bniah ia ka jingdon ki nongtrei, ba kynthup ia ki nonghikai bad ki nongtrei kat kum bala pan da ka Tnad.
“Mynta ngi la pynsangeh ia ka jingai grant. Lada kim ai ia ki jingtip ba bniah, ngi lah ban pynsangeh noh ia ka jingsiew tulop naduh u bnai Nailar lane Nailur” ula ong.
Pule ruh: Thoh ka RIMS sha Delhi ban pynbeit jaka pule ia ki samla pule ha Meghalaya bad Assam
