Guwahati, Risaw 23: U Myntri Rangbah ka jylla Assam Himanta Biswa Sarma ha ka sngi Palei u la ai ksai ba ka sorkar jylla ka dang pynkhreh ban wanrah da ka bill kaba thymmai ban khang noh ia ka jingshong tnga bun ngut (polygamy) ka ban pynduh pyndam ia kaba ki khot ka “love jihad” ha ka Dorbar ka iingdorbar thawain ka jylla ban wan.
Haba kren sha ki lad pathai khubor hadien ka jingïalang jong ka Kynhun Myntri ha Guwahati, u Sarma u la pynbna ruh ba ka sorkar ka la rai ban pynjynsur ïa ka State Population Control Policy na ka bynta ki katto katne ki riewlum bad ki jaidbynriew kiba rit paid.
“Ngin pynjynsur ia ki kyndon arliang mamla. Haba phai sha ki riewlum, ki briew kiba rep slasha, bad ki jaitbynriew Moran bad Motok— ki dei ki jaitbynriew barit paid. Lada ngi khanglad ia ka jingkharoi jong ki, ki lah ban duh noh hadien 50 snem,” ong u Myntri Rangbah ka Jylla.
Shuh shuh u la bynrap ba ka sorkar ka la ïakren bad ki riewshemphang ha shwa ban rai ia ka State Population Control Policy ban kham pynjynsur ia ki kyndon n aka bynta kine ki kynhun.
Halor ka jingtyrwa ia ka anti-polygamy bad ka “love jihad” bills, u Sarma u la ong ba ka kynhun Myntri kam shym pat la iatai ia ka ha ka sngi Palei hynrei la pyntikna ba ka sorkar kan wanrah ia kane ha iingdorbar ka ban wan.
“Mynta ka sngi ngim shym pat iakren ia ki, hynrei hooid, ngi dang don ha ka jingpynkhreh ban wanrah ia ki bill, ka dorbar kan sdang naduh ka 25 tarik u Naiwieng, bad kin don saw ne san tylli ki jingialang ka kynhun myntri shwa kata. Baroh kine ki jingkular ba la ai sha ki paidbah ka Assam kin sa urlong”, la ong u Sarma.
 ka ban pynduh pyndam ia kaba ki khot ka “love jihad” ha ka Dorbar ka iingdorbar thawain ka jylla ban wan.){kind=link}