Guwahati, Nailur 01 : Ha ka jingjia ba sngewtohmet bha, kawei ka Kmie kala pyniap iala ki arngut ki Khun Kynthei tang namar ka jingiatim bad u Kurim hala iing, ha Cachar District, Assam.
Kane ka jingjia kala jia ha ka thain Hatikhaal jong ka Cachar District hynnin ka miet. Ia kane ka Kmie la tip kyrteng da ka Ajmira Begum.
Kat kum ka jingiathuh ki Pulit, ka Ajmira Begum kala pyniap iala ki khun Kynthei kiba dang don hapdeng 3 bnai bad iwei pat 18 bnai. Kane ka kmie kala ialam ia kine ki Khun sha kawei ka Pung, tied ia ki halade da ka dupatta bad sa kynthih hapoh ka pung.
Ngi la iohtam ia ka metiap bad phah ban leh post mortem, ong ki Pulit.
Ka Ajmira Begum ha ka jingtohkit kala ong “Ngam don iano iano ruh hangne ha sla pyrthei bad kumta nga kwah ban pyndkut noh iala ka jingim bad ki khun jong nga”.
Ka Ajmira ka dei ka kurim kaba ar jong u Babul Hussain.
Ka khubor ka iathuh ba u Babul ula poi iatim bad ka Ajmira hynnin ka miet namar ka jingleit sahmiet sha ka Iing jong kawei pat ka kurim.
Halor kane ka jingjia, ki Pulit kila kem noh ia ka Ajmira bad ka jingtohkit mynta kala iaid shakhmat.
Ha ka 25 tarik Nailar, kala don ruh kawei ka jingjia ha kaba ka Kmie kala pyniap iala I Khunlung kynthei. Kane ka jingjia kala jia ha ka thain Itakhola kaba hap ha Sonitpur District.
Kat kum ka khubor, kane ka briew ba kyrteng ka Anowara Khatun, kala pyniap iala I khun ba dang kha bad kala tep ia I ha kawei ka thliew ba don marjan bad ka Iing.
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
