Shillong, Nailur 01 : U Symbud Myntri Rangbah ka Jylla bad National Vice President ka NPP Bah Prestone Tynsong, ula ialam lynti ha ka sngi Thohdieng ban ai snam na ka bynta ki kam ba bha ha ka prokram synniang snam bala pynlong da ka National People Party (NPP).
Ia kane ka prokram la pynlong shi bynta na ka jingrakhe ia ka 11th Foundation Day jong ka NPP bad ban kynmaw burom ia ka lyngkhuh sngi kha ba 76 sne jong u (L) Purno A Sangma, u radbah ka kan sain pyrthei ka Jylla uba dei ruh u nongseng ia ka NPP.
Ki Personal Security Officer (PSO) jong u Symbud Myntri Rangbah ruh kila iasnohkti lang ban ai snam ei ha kane ka prokram.
U Symbud Myntri Rangbah ula pyntip ba u dei uba ju ai snam manla ka por bad kane ka kynti ba mynta ka dei ka sien kaba 10 ne ba 11 ban ai snam.
Ha ka por mynstep, u Myntri Rangbah ka Jylla Conrad K Sangma lem bad ka Iing ka sem baroh kawei, ila leit ban buh syntiew ha u lum jingtep jong u Kpa (L) Purno A Sangma ban kynmaw burom ia ka sngikha jong u.
With family and friends at the cemetery where my dear father, (L) Sh. Purno A Sangma was laid to rest.
On his 76th Birth Anniversary today we remember him as a father, a leader and a champion of people’s cause. You are dearly missed Baba. May you keep blessing us from above. pic.twitter.com/tKQyRPfclY
— Conrad K Sangma (@SangmaConrad) September 1, 2023
U Purno Agitok Sangma, Speaker barim ka Lok Sabha bad Myntri Rangbah barim ka Jylla, ula iap na ka jingkyndeh klongsnam ha Shillong myn ha ka 4 tarik Lber 2016. Ula shakri kum u Myntri Rangbah ka Jylla (1988-1990) bad u dei u MP ba mihkhmat haduh 9 sien ia ka Jylla sha Lok Sabha.
La kha ia u ha ka 1 tarik Nailur 1947 ha ka shnong Chapahati, West Garo Hills District. Ula pyndep ia ka jingpule graduation na St. Anthony’s College bad pyndep ia ka Master na Dibrugarh ha ka International Relations.
Pule ruh: Assam: Pynngam jyllop ka Kmie iala ki Khun Kynthei ha Pung um
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
.){kind=link}