Guwahati, Nailar 21: Ka sorkar Assam ka la pyntreikam ïa ki helpline number lyngba ki pulit ka Assam ban ïarap ïa ki briew na ka jylla kiba lah ban sahkut ha ka jylla Meghalaya lane kiba shem jingeh ha ka leit ka wan hadien ka jingjia thombor ha bike rally jong ka Khasi Students’ Union (KSU) ha Shillong ha ka 19 tarik Nailar.
Ki helpline numbers are: WhatsApp: 9181014888, Landline: 03612381511
Ki dkhot jong ka ïing ka sem, ki bahaïing hasem lane kino kino kiba don jingtip shaphang ki briew ne ki kali kiba sahkut ha Meghalaya ki lah ban ïasam ïa ki jingtip ba bniah lyngba kine ki helplines.
Ki jingtip ba la pan ki kynthup ia ka kyrteng bad u nombar phone ba lah ban iakynduh ia ki briew, u nombar kali, ka jaka ba ki don mynta bad kiwei kiwei ki jingtip kiba iadei.
Ki Pulit ka Assam ki la ong ba ïa kane ka jingtip yn sa rah sha ki bor ba dei peit ha Meghalaya, kynthup ïa ki bor synshar shnong bad ki pulit, na ka bynta ka jingïatreilang bad jingïarap kaba donkam.
Ka sorkar Assam bad ki pulit Assam ki la ong ba ki dang iatreilang bad ki bor pyniaid jong ka jylla Meghalaya bad kin ai ia ki jingiarap baroh sha kito kiba donkam jingiarap.
La kyntu ruh ia ki paidbah ba kin long kiba jai jai bad ban iasam tang ia ki jingtip kiba la pynshisha khnang ban pynsuk ia ka jingiatreilang ha ka por kaba biang.
 ha Shillong ha ka 19 tarik Nailar.){kind=link}