Guwahati, K’Lyngkot 5: Ka Central Board of Film Certification (CBFC), Guwahati Regional Office ha ka sngi Nyngkong ka la pynmih ïa ka jingmaham kaba tyngeh sha baroh ki cinema hall, ki multiplex bad ki jaka peitkai paidbah ha kylleng ka thaiñ shatei lam mihngi jong ka ri India, da kaba maham ïa ki nongpyni phlim ba kin bud ryntih ïa ki kyndon pynshisha ia ki phlim lane kin mad ïa ki jingpynshitom kiba tyngeh.
Ka jingai jingmut ka buh ryntih ia ki kyndon jong ka ain Cinematograph Act, 1952, ka Cinematograph (Certification) Rules, 2024, bad ki jing pynshisha katkum ka rta, da kaba ban jur ba kano kano jingpynkylla kin shah tan ha ka ain.
Da kaba pynleit jingmut ba kyrpang ha ka jingpynbeit ïa ka rta, ka CBFC ka la bthah ïa ki nongpynïaid cinema ban pynjari ïa ka jingpynshisha “A” (Adults Only) ne tang ïa ki Rangbah khlem da pynkylla.Ym shah ia u briew uba hapoh 18 snem — kynthup ia ki khynnah — ban rung ia kum kine ki phlim.La bthah ia ki nongpyni ban pynshisha ia ka rta kaba biang, ban pyni ia ki jingpynbna ain.Ka jingpynkheiñ ka lah ban shah dain kuna haduh ₹10,000 na ka bynta uwei u khynnah rit, ka jingshah set phatok haduh lai snem, bad ka jingpynshitom kaba lah ban pynjlan haduh ₹10 lak.
Na ka bynta ki UA-certified films, ka jingai jingmut ka kdew shai ïa ka jingbud ryntih ïa ki bynta ba la pynkylla — UA 7+, UA 13+ bad UA 16+.Ki jaka peit phlim ne ki cinema hall ki dei ban buh ryntih ia ki jingmaham kiba biang ia ka jingsngewthuh jong ki kmie ki kpa ban pynneh ia ka jingthmu jong ka rukom ai jingbit.
Ka CBFC ka la pynkynmaw ruh ia ki nongpyni ba ym lah ban pyni paidbah ia kano kano ka phlim khlem ka kot pynshisha kaba biang jong ka CBFC, kumba la bthah da ka ain.Ka jingpyni ia ki phlim ki bym don jingpynshisha ka dei ka kam runar kaba lah ban pynshitom da kaba shah set phatok haduh lai snem ryngkat bad ka kuna.
Nalor kata, la bthah ïa baroh ki jaka peit phlim ba ki dei ban pyni beit ïa ki jingpynbna Public Service Announcements (PSA) bad ki social film ba la mynjur shwa man la ka jingpyni phlim.Ka jingbym kohnguh ka lah ban shah dain kuna haduh ₹1 lak bad ka lah ruh ban wanrah ïa ka jingpynsangeh ïa ki laisen peit phlim ne ka cinema licences.
Da kaba khot ïa ka jingkitkhlieh lang, ka CBFC’s Guwahati regional office kala kyntu ïa baroh ki nongioh bynta ban pynthikna ïa ka jingbud ryntih kaba pura na ka bynta ka jingmyntoi jong ka jingpyni katkum ka aiñ, ka jingshngaiñ jong ki paidbah bad ki rukom peitkai kiba don jingkitkhlieh ha kylleng ka thaiñ Shatei Lam Mihngi.
, Guwahati Regional Office ha ka sngi Nyngkong ka la pynmih ïa ka jingmaham kaba tyngeh sha baroh ki cinema hall, ki multiplex bad ki jaka peitkai paidbah ha kylleng ka thaiñ shatei lam mihngi jong ka ri India, da kaba maham ïa ki nongpyni phlim ba kin bud ryntih ïa ki kyndon pynshisha ia ki phlim lane kin mad ïa ki jingpynshitom kiba tyngeh.){kind=link}