Nalbari, Risaw 22: Ki paidbah kila iamih ban iashimbynta ha ka Nyay Yatra jong ka Assam State BJP hynne ka sngi Balang ha Nalbari, ban dawa pynioh ia ka hok halor ka jingkhlad ba phyla u nongrwai ba pawnam ka Assam u, Zubeen Garg.
Ha kane ka rally la sakhi ia ka jingwan ban ia shim bynta ha ki hajar ngut ki nongkyrshan ne ki fan u Zubeen Garg, ki nongtrei jong ka party BJP, ki nongkyrshan kiba la ia wan lang hajuh ban dawa ia ka jingbishar kaba sted bad ka jingtohkit kaba hok halor kane ka kam.
Ka Myntri Khynnah ka sorkar kmie ka Pabitra Margherita, u Myntri sorkar jong ka Assam u Chandra Mohan Patowary bad ka Jayanta Mallabarua, GMDA President u Narayan Deka, State Committee General Secretary u Anup Barman, bad u State Youth Morcha President u Rakesh Das ki long napdeng ki nongialam kiba la don lang ha kane ka jingialang.
Haba kren sha ki lad pathai khubor mynta ka sngi, ka myntri sorkar jong ka jylla Assam ka Jayanta Mallabarua ka la ong, “Mynta ka sngi, palat 75,000 ngut ki paidbah ki la mih paidbah na kylleng ka Nalbari ban pan ïa ka hok na ka bynta u Zubeen Garg. Baroh ki tip ba ka hok kan wan lyngba ka ïingbishar, hynrei ngi donkam ïa ka jingtohkit kaba biang jong ka SIT hapoh ka por ba la buh. Ki paidbah ki dawa ïa kata, bad ngi don ka jingngeit kaba pura ba ka rukom bishar hok jong ka ri India na ka bynta u Zubeen Garg kan pynpoi ïa ka hok.”
Ka myntri khynnah jong ka sorkar pdeng ka Pabitra Margherita ruh ka la kren sha ki lad pathai khubor, da kaba ong, “Man uwei pa uwei u nongshong shnong jong ka Assam bad ki 6.5 million ngut ki dkhot jong ka BJP ngi kyrpad ban ïoh ïa ka hok na ka bynta u Zubeen. Ngi la ïalum hangne mynta ka sngi ban ai burom naduh ka dohnud ïa u nongrwai jong ngi bad man la ki constituency kin sdang noh ia ka music school, bad ruh ban pynieng ia u mot dur jong u Zubeen Garg. Ki don shibun kiba la pynlong ha kylleng kylleng ki jaka ban ai khublei khatduh ia u bad ruh ban leh burom”.
Ha nga shimet, nga la duh noh ia u paralok ba jan tam jong nga. U Zubeen ym shym la long tang u cultural icon na ka bynta ka Assam hynrei u la long ruh u ba ai mynsiem ia nga. U la wan ialam biang ia nga sha Assam bad u la pynshlur ia nga ban sdang ia kawei ka magazine kaba khot kyrteng ka Maya, ia kaba ma u hi u la jer kyrteng. Ngi la pynlut por ryngkat ki sngi ki bym lah khein, bad ka jingduh ia u ka long ka jingduh ba khraw bha ia nga bad ia uwei pa uwei u nong Assam.”
