Dibrugarh, Naitung 16: Ka All Assam Students’ Union (AASU), ka la pynlong ia ka jingiakhih ha Chowikidinghee Chariali, halor ka jingsniew palat liam ki surok ha Dibrugarh.
Ka seng kala sdang iaka jingïakhih na ophis jong ka AASU da kaba rah ia ki Placard bad ki Banner ban pynrem iaka tnat PWD bad ka DMC namar ka jingbym maramot ia ka surok.
“Ka PWD bad ka DMC kim shym la lah ban maramot ia ka surok Dibrugarh kaba la jot rathai. Ki thliew kiba heh ki la mih ha kiba bun ki pdeng surok. Hynrei ka tnat ba dei peit kam shym la lah ban pynbha ïa ka surok” la ong u dkhot jong ka AASU.
U la bynrap daka ba ong, “Ngi dawa na ka tnat ba dei peit ban maramot ia ka surok hapoh 10 sngi bad lada kim lah ngin pynjur ia ka jingiakhih jong ngi”.
“Namar ka jingmih ki thliew hapdeng surok, ki nongshong shnong jong ka Dibrugarh ki iakynduh jingeh. Shisnem ka la iaid naduh ba la pynbna ia ka Dibrugarh kum kawei ka nongbah hynrei ka DMC bad ka PWD kim shym la lah ban maramot ïa ka surok” ula ong.
, ka la pynlong ia ka jingiakhih ha Chowikidinghee Chariali, halor ka jingsniew palat liam ki surok ha Dibrugarh.Ka seng kala sdang iaka jingïakhih na ophis jong ka AASU da kaba rah ia ki Placard bad ki Banner ban pynrem iaka tnat PWD bad ka DMC namar ka jingbym maramot ia ka surok.){kind=link}