Guwahati, Nailur 19 : Ka Dr Ambedkar Youth Club, Guwahati, kala pynieng ia u blei thaw ba 30 phut jong u Blei Ganesh ha ka jingrakhe ia ka Ganesh Chaturthi Festival ha Guwahati.
Ka Dr Ambedkar Youth Club, Guwahati, kaba ju pynlong ia kane ka tamasa manla u snem ha kine ki 37 snem bala leit noh, kala pynieng syndon da u mot blei thaw ba 30 phut jong u Blei Ganesh ban khring ia ki riewngeit sha ka thain Fatasil ha Guwahati.
Kane kan dei lehse ka jingpynieng baheh duh ia u mot blei thaw ba shipor jong u Blei Ganesh hapoh ka Jylla.
“Mynta ka kynti ngi la pynieng ia u mot ba 30 phul jong u Blei Ganesh. Ngi la buh ia ki nongshna mot blei thaw na Kolkata ban shna ia une u motdur bad ka kam ba kila pyndep ka long kaba itynnad bha. Mynta ka kynti, ka mat ka dei kaba la pynshong nongrim na ka ‘Chandrayan-3. Ki nongshna mot dur kila shimpor 2 bnai ban shna ia une u mot. Mynta ka mang tyngka jong ngi ka long T. 10 lak bad ka dor jon gu mot ka long T 2 lak” oong u Shambhasiva, dkhot ka club.
Ula ong “Ia une u motdur la shna da ki khyndai ngut ki nongshna mot na Kolkata. Une un dei u mot ba hehduh jong u Blei Ganesh ha ka thain Shatei Lam Mihngi. Ngi kyrpad ia baroh ba kin wan ban lehkmen lang ia kane ka puja jong ngi”.
