Dibrugarh, Iaiong 05 : Ki Pulit ka Dibrugarh kila kem ia kawei ka Longkmie ba 55 snem halor ka jingkynnoh ba ka pyniap iala u jong u Khun ba 36 snem, namar ka jingshah jrong kti hadien bala trei u khaw-iang.
Kane ka longkmie ba kyrteng ka Kanjulata Gagoi, kala pyndem ialade hakhmat ki Pulit hadien ka jingdung iap ia u khun da ka wait ha ka miet sngi Palei.
Kane ka jingjia kala jia ha ka shnong Ghuguloni Bongali, kaba hap hapoh ka thain Khowang,Dirugarh.
“Ka Kanjulata kala mad ia ka jingshah jrong kti ha u khun u Baba Gaoi naduh ka jingiap noh u kurim bad ka ju pyntip ia kine ki jingjia sha ki bahaiing hasem naduh ki snem bala leit. Kane ka Longkmie kala mad ia ka jingsohsat na u Khun kaba la pynlong ia ka ban shim syndon ia kane ka sienjam” ong ki bahaiing.
Kat kum ka jingong jong ki, hynnin ka miet kajuh ka jingjia kala jia ha kaba u khun ula wan buaid bad shoh ia ka Kmie. Ki ong b aka Kanjulata da ka jingbym lah shah shuh, kala ioh taner ia ka wait bad ioh dung ia une u khun”.
Ki Pulit ki iathuh ba u Baba Gagoi ula mynsaw jur bha na kane ka jingshah dung bad la pynkit noh mar mar ia u sha Hospital hynrei ki doktor kila pynbna ba ula iap ha lynti.
Ki Pulit ki pyntip ba kila kem noh ia kane ka longkmie bad ka jingtohkit mynta kala iaid shakhmat.
