Tinsukia, Naiwieng 3: Uwei u ehrang ka United Liberation Front of Asom (I), ula wan ban pyndem wait hynnin ka sngi Palei ha ki Pulit ka Tinsukia.
Une u ehrang ba wan pyndem wait u kyrteng u Palash Morom ba ju khot sin u Gopal Asom.
U Moran u dei na ka Shnong Nalni kaba hap hapoh ka thain Pengeri, Tinsukia District, Upper Assam.
U Additional Superintendent of Police ka Tinsukia BIbhas Das ula trei borbah ha kaban lah wan ialam ia une u ehrang sha ka jingpyndem wait.
La bun snem mynta, ka Sorkar kala pyntei ia ka song jingiarap kaba la pynshlur ia ki ehrang kaikhlaw ba kin wan phai noh sha ka imlang sahlang.
“Ngi dang iakren bad bun ngut ki ehrang ka ULFA(I) kiba kwah ban wan phai noh. Ngi la rai ban iarap ia ki ba kin wanphai noh sha ka jingim kaba bha” ong ki Heh Pulit.
Dang shen la ioh khubor ba ki don ki ehrang ka ULFA(I) kiba pyrshang ban phet na ki ktem, kila shah siat iap hala ka jong ka ktem ha Myanmar.
