Guwahati, Naiwieng 23: U Myntri Rangbah ka Jylla Assam u Himanta Biswa Sarma u la pynskhem biang ba kano kano ka jingsdang biang ka jingiakren iasuk bad ka ULFA (Independent) kan shong tang ha ka jingiashim bynta jong u commander-in-chief Paresh Barua.
Ka jingkren jong u ka la mih tang hapoh katto katne kynta ba u Major General Arunoday Dahotia u la wan pyndem noh lem bad Francis Axom.
La iathuh ba kitei ki 2 ngut ki la wan pyndem ha ka step jong ka sngi saitjain ha Pangsau Pass harud khappud Indo-Myanmar, ka thain kaba la pyndonkam slem bha kum ka lynti iaid ba kongsan da katei ka kynhun.
Haba kren sha ki nongthoh khubor ha kawei ka jingïalang ha Rangapara, Sonitpur, u Himanta u la ban jur ba watla ka jingpynroi ka long kaba kongsan, hynrei ka Sorkar kam pynkylla iaki kyndon bala buh daka sorkar.
“Ki jingiakren kin long kiba don jingmut tang lada ki jia bad u Paresh Barua ym bad uno uno u briew na ka ULFA(I),” u la pynskhem. “Lymda u pyni ia ka jingkwah, ym lah ban don ka jingiakren”.
U Myntri Rangbah u la kyntait ruh ïa ki jingkynnoh ba ki nongïalam kiba la wan pyndem ki shah kit sha Nongbah Delhi na ka bynta kino kino ki jingïamir jingmut ha ka saiñ hima sima.
“Kam don kano kano ka jingthmu ban leit sha Delhi”, la pynshai u Himanta. “Ki lah ban sah ha Tinsukia lane ban wan sha Guwahati ban ïakynduh ïa u DGP, hynrei ym don eiei palat ïa kata.”
Wat hapdeng ka jingpynbor kaba bteng, la ngeit ba u Barua u la treikam na ki jaka khappud jong ka Myanmar ne China bad kane ka la neh slem bha ha ki jingdawa kiba la ïohi ba kim ïahap bad ka Riti Synshar jong ka Ri India.
Ki heh jong ka tnad pahara ki shim ïa ka jingwan pyndem u Dahotia kum ka jingsdang tlot noh ka sengkieng atiar ka ULFA(I). Ki kyrmen ruh ba kane ka lah ban don ka jingsdang pra hapoh ka kynhun.
 kan shong tang ha ka jingiashim bynta jong u commander-in-chief Paresh Barua.){kind=link}