Guwahati, Rymphang 15 : Ka Assam Pradesh Congress Committee (APCC) kala phah da ka showcause notice ba pan jingshai na ki arngut ki MLA ka party kiba ai jingkyrshan hakhmat u paidbah ia ka Sorkar BJP ba ialam da u Himanta Biswa Sarma.
Kine ki arngut ki MLA ki dei u Kamalakhya Dey Purkayastha bad u Basanta Das.
U President ka APCC Bhupen Borah ula phah ia ka showcause notice sha kine ki arngut ki MLA ba dawa ba ki dei ban ai jubab hapoh ka shisngi. Kane kala jia ruh tang shisngi haduh ba u Purkayastha ula iehnohkam kum u Working President ka Assam Congress hadien ba kine ki arngut ki MLA kila iakynduh ia u Himanta Biswa Sarma bad pynbna ban don ryngkat bad ka Sorkar jong u.
U Bhupen Borah ula pan jingshai la kine ki MLA ki dang ieng ha ka nongrim ba mynshuwa lane mynta kila kyrshan ia ki policy jong ka Sorkar BJP.
