Guwahati, K’lyngkot 18 : U Myntri Rangbah ka Assam Himanta Biswa Sarma ula ther tyngeh ia ka ‘Bharat Jodo Nyay Yatra’ jong u Rahul Gandhi bad niew ia ka ba ka dei ka “Miya Yatra”.
U Himanta ula bynrap ba ka jingiaid rally hapoh ka jingialam u Rahul Gandhi kam dei ka “Niya Yatra” hynrei ka “Miya Yatra”.
Haba iakren bad ki lad pathai khubor, u Himanta ula ong “Hangno hangno ba don ki Miya (Ki Muslim ba kren Bengali), ka don beit ka jingialum paidbah bad ka Congress kala pyniaid ia ka “Yatra” bad kine ki briew”.
U Himanta ula kam ba ym don pat kawei ruh ka Kynthei jong ki Miya ka ban leit iashimbynta bad ka Congress haba bynrap ba ki Kynthei kila ioh jingmyntoi na ki skhim jong ka Sorkar BJP.
Ula kam ba ka Longiing u Rahul Gandhi ka dei ka longiing ba bamsap tam hapoh ka Ri India.
U Himanta ula kynthoh jur ruh ia ka Longiing ki Gandhi bad ong ba ka Jait Gandhi ka dei ka “Jait Thok”.
“Ngan jin da ioh kem ia ki lada ki don ia ka licence thok lane kano kano. Hynrei, ngam tip pat kaei ka jingpynsajia ba hap ai ia kiba ai jait thok” bynrap u Himanta.
