Guwahati, Nohprah 28: San ngut ki nongshongshnong ka Assam kila shah kem ba khaii tuh ia ki bniat hati bad ka Iingkashari CJM ha Jalpaiguri ka North Bengal, kala hukum ban set along ia ki haduh 3 snem ha ka sngi Balang.
Kine ki san ngut ki dei u Jagannath Mondal, Chandan Biswas, Ratneswar Barman, Tilak Barman bad Sanjoy Barman, kiba dei na Assam. Ia kine la ioh kem na kawei ka kali kaba dang iaid sha Siliguri ha u bnai Jylliew mynta u snem.
Ka Iingkashari High Court ka Calcuttee kala kyntait ban pdiang ia ka jingpan bah jamin jong ki haba bthah ia ka iingkashari CJM b aka dei ban pyndep noh mar mar ia ka jingbishar hapoh ka lai bnai.
Hadien ka jingioh iaki khubor syntiat, ka kynhun ki Nongtrei Forest ba ialam da u Niladri Kishore Roy, kala ioh bat ia kane ka kali hajan ka toll plaza ha surok NH-27 kaba don ha Fatapukur, hapdeng ka Siliguri bad ka Jalpaiguri.
Haba talasi ia ka kali, kila ioh ban kurup haduh 4 tylli ki bniah hati ba kynthup ia artylli kiba jrong bad artylli ki ba lyngkot. Ia kine ki bniat ha thep hapoh kawei ka pla kaba la buhrieh bha hapoh ka kali.
Ka ingkashari kala hukum ruh ba kine ki san ngut ki dei ban siew ia ka kun aba T.25000 bad lada kim lah siew, kin hap ban shong along biang sa hynriew bnai.
