Guwahati, Naitung 29 : U Chairman barim ka Assam Public Service Commission (APSC) Rakesh Kumar Paul, ula ngat ha ka hukum set phatok haduh 14 snem namar ka jingdonkti ha ki kam leh bym hok ha ka jingthungkam ia ki Agriculture Development Officer (ADO) bad ngat ruh ha ka kuna kaba T. 2 lak.
Arngut ki dkhot ka APSC ruh, u Samedur Rahman bad u Basanta Kumar Doley, kila shah rai set phatok 10 snem bad siew ia ka kuna ba T. 50,000.
Arphew khyndai ngut kiwei pat kynthup ki ADO kiba la shah thung kam da ka lynti ka bym hok, kila ngat ha ka jingshah set along haduh 4 snem lem bad ka kuna ba mar T.10,000 marwei.
Ha ka 22 tarik Naitung, ka Iingkashari Special Court kala rai pynrem ia u Paul, Rahman bad Dole ylem bad ki 29 ngut kiwei pat ha kane ka mukotduma.
Ka mukotduma pyrshah ia une u Chairman barim ka APSC Rakesh Paul bad 43 ngut kiwei pat, ka dei kaba la ujor ha u snem 2017 hadien ka mudui jong uwei u nongiakhun ia ka eksam ADO, uba kynnoh ba u Paul bad kiwei, kila dawa pisa na u haduh T.15 lak ban pynioh ia ka kam.
Ka Iingkashari kala pynbna ia 10 ngut na kiba shah kynnoh ba ki dei ki bym donkti, katba uwei pat u dei tang u nongai jingmynjur.
Lah ban kdew hangne, ka eksam ia ka kam ADO ka dei kaba la pynlong ha u snem 2015 bad ia ka result la pynbna ha u snem 2016. Hadien ba mudui mukotduma ia kane ha u snem 2017, ki Pulit kila tohkit haduh 1075 ngut ki nongiakhun ia ka eksam bad shem ba ki marks bala ioh da ki 27 ngut ki briew ki dei kiba la pynkylla bad la shu pynheh jubor.
 Rakesh Kumar Paul, ula ngat ha ka hukum set phatok haduh 14 snem namar ka jingdonkti ha ki kam leh bym hok ha ka jingthungkam ia ki Agriculture Development Officer (ADO) bad ngat ruh ha ka kuna kaba T. 2 lak.){kind=link}