Guwahati, Lber 25 : U MLA ka Nowboicha, Lakhimpur District ka Assam, u Bharat Chandra Narah, ula iehnohkam n aka seng Congress namar ka jingbitar ba shah pynduh ticket ka lok ba kan iakhun ia ka elekshon Lok Sabha.
Kane ka jingiehnohkam jong une u MLA kala jia hadien arsngi ba ka Congress kala pynbna ia u Uday Shankar Hazarika kum u kyrtong ban iakhun ia ka elekshon Lok Sabha na Lakhimpur Lok Sabha seat.
U Nara hula kyrmen skhem ba ka party kan ai ticket ia ka kurim jong u, ka Ranee Narah, kaba dei ka Myntri barim ka Sorkar Pdeng, ba kan iakhun na Lakhimpur.
Lah ban kdew hangne ba u Uday Shankar Hazarika u dei u Nongialam barim ka BJP uba la wan pyniasoh sha ka congress dang ha u bnai Nohprah bala dep.
Ia kane ka jingpynbna la pynmih da ka Central Election Committee jong ka Congress ha ryngkat ka thup kyrteng jong ki kyrtong ki ban iakhun na Manipur bad Mizoram.
Ka Congress, kan iakhun haduh 13 na ka 14 tylli ki seat ha Assam. Ha ka 12 tark Lber kala pynbna shuwa 12 ngut ki kyrtong bad buhteng ia ka Lakhimpur haduh mynta.
