Guwahati, Iaiong15: U Myntri Rangbah ka Assam Himanta Biswa Sarma ha ka sngi ba-ar u la kren shai ba ka sorkar jong u kan ym ai jingbit ban pynlong ia kano kano ka jingiakhih ha ki surok ki syngkien ban pyrshah ia ka Waqf (Amendment) Act, 2025.
“Lada ka All Assam Minority Students’ Union( AAMSU) ka don jingeh ha kaba iadei bad ka Waqf (Amendment) Act, 2025, ki dei ban leit tied ia ka jingkhang ka Iingkashari Supreme Court,” ong u Sarma haba kren bad ki lad pathai khubor.
“Lada don mano mano kiba kwah ban ong eiei la kiba kyrshan ne pyrshah ia ka, ka ïingkashari ka dei jaka kaba biang tam namar ba ki muktiar kin ioh ban iatai bha halor kane ka kam” u la ong.
Shuh shuh u Myntri Rangbah u la pynpaw ba ki riew shimet ne kino kino ki kynhun ki don la ka jong ka jingsngew bad yn ym shah iano iano ban wanrah ia ka jiingthut bad ka jingpynwit ha ki jaka paidbah.
“Ngam don eiei ban kynthoh, lada don kiba kyrshan ne kiba pyrshah ia kane ka Act, hynrei ban shu ia mih sha surok ngin ym shah satia”, u la ong.
Haba jubab halor ka jingkynthoh ka All Assam Minority Students’ Union (AAMSU), u Sarma u la pynkynmaw ia ki ba kiba ia kane ka Act ruh ki don. ” Ngim kwah ban mih kano kano ka jingklumar. Ka jingialong shipara dei ban pynneh pynsah na ka bynta ka jingkiew shaphrang jong ka Assam bad balei ba ki briew ki donkam ban pyniapher ia kaba bha bad kaba sniew” u la bynrap
Kane ka jingkynthoh kala wan shi sngi hadien ba ki pulit kila kem ia ki jingiakhih ha central bad western Assam katba ki dang thmu ban wan sha Guwahati ban pynlong jingiakhih pyrshah ia kane ka Act.
