spot_img

Assam : Maham ka AASU iaka Sorkar Pdeng ban nym ai jaka riehtngen ia ki nong Bangla ha NE

Date:

Share post:

Guwahati, Nailar 09 : Ka All Assam Students’ Union (AASU) kala maham tyngeh ia ka Sorkar Pdeng ba kam dei ban pynlong ia ka thain Shatei Lam Mihngi kum kaba jaka theh niut ki nong Bangladesh ba rung beain.

U Nongaibuit ba hakhlieh duh ka AASU Samujjal Bhattacharya ula ong “ Ki paid riewlum ka thain Shatei Lam Mihngi bad ka North East Students’ Organisation (NESO), ka sngewkhia bha halor ka jinglong jingman ka suk ka sain ha Bangladesh. Haba don kino kino ki jingjia ha Bangladesh, ka jingrung beain ka don beit bad namar kane ki paid riewlum ka thain ki ju shah ktah jur bha”.

“Naduh ka jingphiah ia ka Ri ha u 1947, ka jingrung ki briew na East Pakistan kala jia bad ha u snem 1971 haba ioh laitluid ka Bangladesh, ngi la sakhi ia ka jingrung beain ki nong Bangladesh ha NE. Watla katta ka jingrung kala jia beit ha NE bad kane kala buh ka jingma ia ki paid riewlum ka thain. Ngi la iohi ha Tripura ha kaba n aka 45 lak ngut ki briew, 15 lah ki dei ki riewlum trai jylla bad kine ki trai jyla kila kylla long ki ritpaid hala ka jong ka jaka” ong u Samujjal.

Ula bynrap “Ha Assam, wat ka jingiakhih ba sah khana ha Assam ha kaba haduh 60 ngut ki briew kila iap bad hadien sa ka jingsoi ia ka Assam Accord ka bym pat pyntreikam haduh mynta, ka jingrung ki nong Bangladesh ka dang iai bteng beit ha Jylla. Ka Meghalaya bad Arunachal Pradesh ruh kila mad ia kane ka juh ka jingeh. Kumta, ka don ka jingma ia ka snap ba kyrpang ki riewlum ka thain, ka jingma ia ka ktien ka thylliej, ka kolshor bad baroh kiei kiei”.

Ula ong “Na ka bynta ki Seng jong ki samla pule ka NE, ngi la phah ia ka dorkhas sha u Myntri Rangbah Duhka Ri ba um dei ban ai jingiarap ne jaka rieh tngen ia ki nong Bangladesh ha ki Jylla ka thain Shatei Lam Mihngi namar ka thain kam dei ka jaka bret ia ki nong Bangladesh ba beain”.

“Ngi dawa ba dei ban khangdam ia ka khappid namar napdeng ki 7tylli ki Jylla ka thain, saw tylli ki dei kiba don jingma bha” ong une u Nongaibuit ka AASU.

Share post:

spot_img
spot_img

Popular

More like this
Related

Shah kem 8 ngut ki nong Bangladesh | Phla ba wan rung na Meghalaya ba synjor pahara ki BSF

Shillong, Naitung 22: Phra ngut ki nong Bangladesh kiba...

Na shnong Nongkyndong sha ki hospital ka Japan | Tyngshain ki Nurse ka Jylla Meghalaya

Shillong Naitung 22: Kadei ka khana ka jingdon ia...

Bthah ka Iingkashari ban thaw ia ka Committee ban tehlakam ia jingkharoi ki ksew surok

Shillong Naitung 22: Ka Meghalaya High Court kala bthah...