Guwahati, K’lyngkot 04 : Uwei u Nongtrei ka IIT Guwahati, dang shen ula leit ban pyniasoh ialade sha ka seng kaikhlaw United Liberation Front of Asom-Independent (Ulfa-I).
Kane kala jia tang da ki sngi hadien ka jingiasoi ia ka soskular iasuk bad ka kynhun ba kwah iakren iasuk jong ka ULFA.
Dang shen, bun ngut ki samla kila leit ban pyniasoh ialade sha kane ka kynhun. Une u Nongtrei ka IIT uba la pyniasoh ialade u kyrteng u Gautam Gagoi.
Ka khubor ka iathuh ba u Gautam Gagoi uba trei kum u Junior Technician ha IIT Guwahati ula pyniasoh sha ka ULFA-I dang ha kine ki khyndiat sngi. U dei u nongshongshnong na Amguri, kaba hap hapoh ka Sivasagar District.
Na ka liang ki Pulit kila shim ia ka sienjam ba pyrrkhing bha ban peit pyrman bad tehlakam ia ki samla naka jingleit pyniasoh sha kane ka kynhun kiengatiar.
Ha ka 24 tarik Nohprah 2023, lai ngut ki samla kila shah siat bad mynsaw ha ka jingiather kuli bad ki Pulit ha Tinsukia District hadien ka jingkynnoh ba ki thmu leit pyniasoh ialade sha ka kynhun.
