Guwahati, Iaiong 29: U Rohit Basfor, uba dei u actor ba dang khie san uba ia don bynta ha kawei ka series ka ban sa pynmih shen ia kaba la tip kum ka ‘The Family Man 3’ la lap ba u la iap ha ka rukom kaba kham pher hajan kawei ka kshaid ha ka khlaw Garbhanga.
Iaka metiap la lap ha ka sngi u Blei bad kiba ha ïing hasem kila pynpaw ba kane ka jingjia ka lah ban don eiei sha lyndet.
Katkum ka tyllong khubor na ki pulit ,ia ka met u Basfor la shem najan jong ka kshaid Garbhanga kaba don ha kawei na ki khlaw ba la pyrkhing hajan Guwahati.
La iathuh ba une u aktor la leit sha katei ka jaka ban leit picnic ha ryngkat bad ki paralok.
Katkum ka kaiphod la ithuh ba ka jingiapkaBasfor u lah ban dei na ka jingngam jyllop hynrei ki pulit ki dang ap ia ka kaiphod post-mortem ban lap ia ka daw tynrai baroh.
Na ka liang ki bahaïing u Basfor, kila suba ba ki lah ban don bun rukom ki jingjia, kumta kila dawa ban da tohkit janai bha halor kane ka jingjia.
