Dibrugarh, Lber 17: Ki bor pyniaid district ha ka sngi Nyngkong ka la kyndang bad pynkynriah ïa ki katto katne ki longïing be-aiñ kiba la shna harud ka wah Brahmaputra, kiba don hajan ka ophis treikam u Myntri Rangbah ka Jylla ha surok Maijan ha Dibrugarh.
Ia kane ka jingkyndang la pynlong da ka bor pyniaid district ryngkat ka jingkyrshan jong ki pulit bad kiwei kiwei ki tnad ba dei peit ban pynkhuid ia ki jingwan rung tuh ha ki jaka sorkar kiba don harud wah.
Ki heh sorkar ki la pynpaw ba ïa ki jingtei la shna be-aiñ ha ka jaka ba don marjan ne syndah bad ka wah, kaba lah ban wanrah jingma ïa ka mariang bad ïa ka jingshngaiñ jong ka wah.
Ha ryngkat ka pyndonkam da ki mashin kiba heh ha ka por ba pynlong ia ka jingpynpra ban kyndang ia ki jingtei bym don jingbit.La don ruh ki bor pahara ha katei ka jaka ban pynneh ia ka suk ka sain bad ban iada na kino kino ki jingjia kiba sniew ha ka por ba pynlong ia ka jingkhynra.
Katkum ka jingong jong ki heh sorkar, ka jingkyndang ka dei shi bynta jong ka jingthmu kaba dang ïaid shakhmat ban pynduh jait ïa ki jingwan rung be-aiñ ha ki jaka ba don marjan ki rud wah bad ban ïada ïa ka jingker na ka jingshah pynjulor.
Shuh shuh ki bor pyniaid ki la pynpaw ba ka jingpynshitom kaba tyngeh kan dang bteng pyrshah ia ki jingtei beain ha katei ka thain ban pynthikna ia ka jingshngain jong ka wah Brahmaputra bad ban pynneh ia ka jaka sorkar kaba lait na ka jingshah kyntur pud.
Ki nongshong shnong ki la sakhi ïa ka jingshah kyndang katba ki heh sorkar ki dang pynkhuid ïa ka jaka, da kaba pynpaw biang ba kum kine ki kam ki long kiba donkam ban ïada ïa ki jingtei kiba kongsan bad ban khanglad ïa ki jingshong shnong kiba khlem ioh jingbit ban shong shnong ha ki thaiñ rud wah.
