Guwahati, Jylliew 03: Ha ka jingjia ba sngewsih, uwei u samla ula iap katba 4 ngut ki briew kila jah hadien ka jingkylla jong ka lieng ha Cachar District ka Assam, hynne ka sngi Nyngkong.
Kat kum ka khubor, kane ka jingjia kala jia ha ka thain Sonai Dakhin Mohanpur ha kaba ka lieng ba shu pyndap lyer ba leit iarap briew, kala kylla hapdeng ka umsaw ba shlei. Kane ka lieng ka kit ia 7 ngut ki briew ba kynthup ia ki Kynthei bad ki Khynnah.
“Ka lieng kaba iaid lyngba ka umsaw, kala shah lynshop kynsan ha ka eriong kaba pynlong ia ka ban kylla. Jan baroh ki briew kila shah rong ha ka umsaw. Uwei u samla ula iap bad 4 ngut kiwei pat ki dang jah” ong ki Heh ka District.
Ha kajuh ka por, ka kynhun NDRF kala leit ban iarap wad ia kine ki briew.
