Guwahati, Jylliew 4: Ki Pulit ka Cachar, Assam ha ka sngi saitjain, kila ioh ban kem ia arngut ki snar nongkhaii droks bad ioh kurup ia u heroin ba khia haduh 2.2 kilo na ka met jong ki.
Ki Pulit ka Cachar kila pynlong ia ka jingkhynra halor ka jingioh khubor ia ka jingdon kine ki nongkhaii droks ha ka thain Katagashtal, Silchar bad ha ka jingkhynra, kila iohkem suk ia kine ki arngut bad ioh kurup ia 143 tylli ki synduk sabon ba thep ia u droks heroin ba khia 2.2 kilo.
Haba kynthoh hapoh ka Twitter, u Myntri Rangbah ka Assam Himanta Biswa Sarma ula iaroh ia ki Pulit ka Cachar.
Ha kajuh ka por, ki Pulit ka Assam kila pynlong ia ka jingtohkit kaba jur mynta ban lapdien ia ka jingwan poi jong une u droks bad ruh ban tip shano ba thmu ban pynpoi ia u.
Tang ha kine ki san bnai bala leit, ki Pulit ka Tinsukia kila pynlong haduh 71 sien ki jingkhynra pyrshah ia u droks bad kila ioh ban kem haduh 208 ngut ki nongkhaii droks.
