Guwahati, Jylliew 4: Ka Liengsuin Indigo hynne ka sngi U Blei kala hap hiar kyrkieh (emergency landing) ha Lokpriya Gopinath Bordaloi International Airport ha Guwahati namar ka jingthut ha ki kor ki bor tang da ki minit hadien ba ka her na kane ka kad.
Kane ka liengsuin no 6E 2652 ka dei kaba wan na Chennal sha Dibrugarh bad ka kit haduh 184 ngut ki briew kynthup u Myntri ka Sorkar Pdeng Rameshwar Teli, arngut ki MLA ka BJP Prashant Pukan bad Terash Gawla.
Haba iakren bad ki nongthoh khubor lyngba ka phpne, u Teli ula pyntip ba u dang don ha kad liengsuin ha Guwahati hadien ba ka liengsuin ba u shong kala hap ban hiar kyrkieh.
U Teli ula pyntip ba u leit sha Dibrugah ban iashimbynta ha ki lai tylli ki jingialang kawei ka Duliajan, Tingkhong bad ha Tinsukia.
Haba kren halor ka jinghap hiar kyrkieh ka liengsuin, ula pyntip ba kane ka liengsuin kala don ha suin la kumba 15-20 minit eiei shuwa ban hiar ha Dibrugarh Airport bad kala hap ban phai biang sha Guwahati Airport ban hiar.
Kane ka liengsuin ka dei ban poi ha Dibrugarh ha ka por 9.40 mynstep hynrei namar ka jingthut ki kor ki bor, la hap ban phai biang sha Guwahati. La pyntip ba kane ka liengsuin kan ym lah ban her biang.
 ha Lokpriya Gopinath Bordaloi International Airport ha Guwahati namar ka jingthut ha ki kor ki bor tang da ki minit hadien ba ka her na kane ka kad){kind=link}