Guwahati, Lber 15 : Ki Pulit ka Assam kila ioh kurup ia u droks ba shongdor haduh T. 110 klur na Cachar District ka Assam bad ioh kem ruh ia uwei u briew ha ka sngi Palei.
Hadien ka jingioh ia ka khubor ba thikna, ka kynhun ki Pulit kala pynlong ia ka jingkhynra kaba lam sha ka jingioh kurup ia palat 12 kilo u heroin bad u brown sugar.
Kat kum ka jingong ki Pulit, ia une u droks la buhrieh ha ka pla snieh bad ki synduk sabon bad u dei uba la wanrah na ki Jylla ba marjan da ka jingthmu ban pyniaid iew ha kylleng ki jaka.
“Ngi la kem ia uwei u briew ha kane ka jingioh kurup. Ka dei kawei na ki jingioh kurup kaba heh bha jong ka Tnad ban iakhun bad jynrat ia ka network ki nongkhaii droks” ong ki heh Pulit.
