Guwahati, K’lyngkot 28 : U Myntri Rangbah ka Assam Himanta Biswa Sarma ula kren bein ia u MP ka Congress Rahul Gandhi hynne ka sngi U Blei bad khot ia u kum u Nongialap elekshon ba hakhmat eh jong ka BJP.
Haba iakren bad ki nongthoh khubor, u Himanta ula ong “U Rahul Gandhi um don satia ia ki sap nongialam bad u bym lah ban ai mynsiem. Ula kren sha u pud ba ong ba kat shaba leit iuhkjat u Rahul Gandhi, kine ki jaka kila nang bha ia ka BJP”.
“Kat shaba lynti u Rahul, ka Congress kan sa kut ha kine ki jaka. Kaei kaba dang sah ruh kan sa kut noh. Namar ba um don ia ka sap nongialam bad ba um dei uba khring ia ki paidbah. Kat shaba u poi bad ha kano kano ka jaka ba u iuhkjat, kine ki jaka kila nang iarap ia ngi. U dei u nongialap ba hakhmat eh jong ka BJP”ong u Himanta.
Rahul Gandhi is our star campaigner! pic.twitter.com/aEw2B2c4op
— Himanta Biswa Sarma (@himantabiswa) January 28, 2024
Ha ka por ba dang iaid ka Bharat Jodo Nyay Yatra u Rahul Gandhi, kala don ka thma ktien kaba jur hapdeng u Rahul Gandhi bad u Himanta Biswa, kiba iakynthah bad kawang ktieh mar kylliang.
Ha kawei ka liang, ki Pulit ka Assam kila file case pyrshah ia u Rahul Gandhi ha ka 22 tarik Kyllalyngkot halor ka jingkynnoh ba u jrong kti ia ki Pulit ha ka jingiaid rally.
