Guwahati, Lber 25: U myntri rangbah ka Assam u Himanta Biswa Sarma ha ka sngi Balang u la ong ba ki (Congress) kim don agenda namar ha kine ki 60 snem ba la dep ka sorkar kaba ki la pynbiang, ki paidbah ki la dep ban iohi.
Haba kren sha ki nongthoh khubor, u Sarma u la ong, “Kim don agenda namar ha kine ki 60 snem ba la dep ka sorkar kaba ki la pynbiang ki paidbah ki la dep ban iohi.Ngi la pynkylla khongpong pura ia ka Assam, mynta ki briew ki la iohi ia ka Assam kaba thymmai kaba la pynshong nongrim ha ka kolshor kaba khlain jong ngi,”.
“Ki briew ki don pura bad ka BJP lait noh ki nongwan rung tuh na Bangladesh. Ym don ki trai ri trai muluk kiba na India ki ban jied ia ka Congress,” la ong u Sarma.
U Sarma u la bynrap,”Ha kane ka kynti ba mynta ka jingjia ka long kaba pher bak-ly-bak bad ki briew kiba thep vote kin thep da ka mynsiem kaba laitluid.Don kiba thrang ia ka Natun (thymmai) Bor (ba khraw) Axom ryngkat ki nongwan rung tuh na Bangladesh. Ngi sngewkmen ia ka purana (rim) Bor Axom,”.
“Ngi kwah ban pynroi ia ka Nagaon bad ha ki san snem ban wan, nga don ka jingthmu ban pynroi ia ka Nagaon ryngkat bad ka surok bah bad ka kad liengsuin ne Airport. La dep ban bthah ban phah leh ia ka survey na ka bynta ka kad liengsuin ha Nagaon.Ka jingdon jong ka jingpynmih karkhana ka la wan ha Assam hynrei kaba kongsan ka long ba ngi hap ban wad jaka na ka bynta ka jaka ban buh ki karkhana,” la ong u CM.
Shuh shuh u la bynrap,”Ngi thmu ban shna ïa ka surok bah ha Nagaon ban pynduna ïa ka por leit jingleit na Guwahati sha Nagaon.Ka jingthmu ba kongsan jong ngi ka long ban pynroi ïa ki jingtei”.
U CM Sarma ha ka sngi Balang u la ialap elekshon ia u kyrtong na Batadrava BJP u Rupak Sarmah.U la ai jingkren ha ka jingialang thep vote kaba heh bha ha Batadrava ha kaba ki paidbah ki la ialum lang ban iohi ia u Himanta Biswa Sarma.
La pynjur shuh shuh ia ka jingialap elekshon hadien ba la pynbna ia ki tarik thep vote da ka election commission of India (ECI).Baroh ki seng sain pyrthei kiba heh jong ka Assam ki la pynkhreh na ka bynta ka elekshon bad pynlong ia ki jingialang ban ialap thep vote ha kylleng ka jylla.
 kim don agenda namar ha kine ki 60 snem ba la dep ka sorkar kaba ki la pynbiang, ki paidbah ki la dep ban iohi.){kind=link}