Guwahati, K’lyngkot 10 : Hashuwa ka jingwan ka rally Bharat Jodo Nyay Yatra u Rahul Gandhi ha Assam, u Khliehduh ka AIUDF Badruddin Ajmal ula kynthoh ba bun ki kynthei bym pat don lok ki lah ban iabeh sha ka jingialang jong une u samla bhabriew hynrei kane ka jingiapmat ia u kan nym kylla kum ki vote sha ka party congress.
“U Rahul Gandhi um pat don lok bad u dang khynnah, kin don bun bah ki kynthei, mano ban tip kane ka kynthei ka ba u Rahul Gandhi un iapmat bad ka lawei jong kane ka kynthei kan phyrnai bha hynrei khatduh hi ka Congress kan ym iohnong satia bad ka congress kan rem kput bha” ong u Ajmal.
Une u Khliehduh ka AIUDF ula ong “Ki briew kin ialeit sha ka rally khamtam ki kynthei tang ban iohi ia u Rahul Gandhi hynrei kin nym ai vote pat sha ka congress. Nga pdiang sngewbha ia u Rahul Gandhi namar u dei u Khun jong ka Longiing Gandhi bad u dei u Khunsyiem”.
“Ki briew ka BJP kin nym pynioh ia ngi ia ka hok hynrei namar ka jinglong bha jong u Nongbishar ka Iingkashari Supreme Court ha ka Bono case, ka Bono kala ioh ia ka jingbishar ba hok mynta lem kumta kan ym don ka jingbishar bah ok” ula ong.
Ha kawei ka liang, u President ka Assam Pradesh Congress Committee Bhupen Kumar Borah ula ther tyngeh ia u Badruddin Ajmal halor kane ka jingkynthoh.
“Ka dei ka jingkynnoh kaba sngewsih kaba mih na u MP bala rangbah bha. U dei ruh u Nongshongshnong ba la rangbah hynrei kumno u kynthoh ia ka Khynnah skul. Ka jingkynthoh halor kane ka kynthei na Assam bad ka kynthei n aka College bad Universoty ka dei ka jinglehrain ia ka Assam” ula ong.
