Guwahati, Naitung 25: Ka sorkar Assam, ka la khein be-ain ia ka jingiakhih jong ki nongtrei jong ka kompani pynmih umphniang kali bad gas ha ka Jylla, na ka bynta hynriew bnai naduh ka 25 tarik Naitung bad kane ka jingmana ban iakhih kadei katkum ka kyndon 3 jong ka Essential Services Maintenance Act (ESMA).
“Ka jingiakhih jong ki ophisar, ki nongtrei, ki nongbylla kontrak, ki nongniah tanker, bad ki Khalasi kiba don bynta ha ka kam shakri jong ki kompani pynmih umphniang bad gas la khang pyrshah katkum ka ain Essential Services Maintenance (Assam) Act, 1980” la ong ka jingpynbna.
Ia kane ka jingpynbna la pynmih na ka bynta ka jingmyntoi jong ki paidbah bad kano kano ka jingshakri ha kano kano ka jaka pynmih umphniang ne jaka pynkhuid umphniang jong kano kano ka jaka ne ka kam kaba iadei bad ka jingpynmih, jingpynbiang ia ki mar umphniang kynthup ki Natural Gas kan hap hapoh ka jingpeit jong kane ka hukum.
.){kind=link}