Guwahati, Naiwieng 26: Ha ka jingkhynra kaba heh, ki pulit ka Kharupetia kila kem ia uwei u briew na ka district Darrang ka Jylla Assam halor ka jijgkynnoh ba u don ka jingiadei bad ki seng lehnoh na ki ri bapher bapher.
Uba shah kem udei uba la tip kyrteng da u Munser Ali naka shnong West Kamarpara ha Darrang bad la rah ia u sha iingbishar ha ka sngi Balang bad la set ia u ha ka Judicial Custody.
Ki pulit ki suba jur ba u Ali u don ka jingïadei kaba jan bad ka kynhun Arakan Rohingya Salvation Army (ARSA) bad ka Tehrik-e-Taliban Pakistan (TTP).
“U Ali u la wanphai sha Kharupetia dang katto katne sngi hadien ba u la trei hapoh ka Jylla Tamil Nadu. Ki jingtip ba ioh lum ki pyni ba u thmu ban leh ia ki kam pyntriem ha Kharupetia bad kumjuh ha kiwei pat ki jaka ba kongsan jong ka Jylla” ong uwei u heh pulit.
La pynngat ia u Ali hapoh ki kyndon 147, 148, 152 bad 196 jong ka Bharatiya Nyaya Sanhita (BNS), ha ryngkat ka kyndon 39(2) jong ka Unlawful Activities (Prevention) Act.
