Guwahati, Jylliew 21: Ki Pulit ka kynhun STF bad ki Pulit ka Kamrup Assam ba ialam da u Additional SP ka STF u Kalyan Kumar Pathak, kila ioh kem ia 4 ngut ki snar nongtuh na Singra, kaba hap hapoh ka Boko Police Station.
U Pathak u iathuh ba ki Pulit kila ioh ia ka jingtip ba thikna ba kane ka kynhun kan wan na Goalpara ban leit sha Guwahati daka jingthmu ban tuh iaka ATM.
Ki Pulit ka Kamrup bad ki Pulit na Boko PS haka jingialam u OC Phanindra Natha bad u OC ka Chaygaon u Bhaskar Mallah Patowary, kila pynapshrip bad hynne ka step, la ioh ban kem ia kine ki 4 ngut na Singra kaba jngai kumba 11 kilometers na Boko Police Station.
Ia kine ki Nongtuh la Register Case hapoh Boko PS Case No. 279/2024, U/S- 399 IPC R/W Sec- 25(1-A) jong ka Arms Act.
Kiba shah kem ki kynthup Montu Das na Boko, Kenaram Basumatary na Udalguri, Fazal Haque bad Nirmal Das na Hajo.
Ki Pulit kila ioh kurup ruh kawei ka 32 Pistol, 2 tylli ki kuli, ka Gas cutter bad gas cylinder.
