Guwahati, Iaiong 9: Ki Pulit jong ka Assam kila ioh ban kdiah ia ka jingtrei kam jong kawei ka kynhun ki nongtuh ba shyrkhei kiba ju donkti ban tuh ia ki kali ar shaka ha Bajali district jong ka Assam.
Halor kane, ki pulit ka Assam kila ioh ban kem ia hynriew ngut ki briew kiba donkti ha kane ka kam.
Kine kiba la shah kem la tip kyrteng kum u Nayan Deka uba na Bagan Para, u Ratan Boro, u Lokman Boro bad u Dhanjit Boro na Shimla, u Sanjay Boro na Palha Shimlubari bad u Nirmal Kalita na Kadamtola.
Baroh kine ki hynriew la kynnoh bakidei ba don bynta bad kane ka kynhun jong ki gang kiba donkti bunsien ban tuh ia ki kali hapoh ka dong ka thain bad shabar ruh kumjuh.
Ia kane ka operation jong ki pulit la ialam da u Additional Superintendent of Police u Trinayan Bhuyan. Ha kane ka jingkhynra ki pulit kila ioh ban kurup biang ia lai tylli ki kali ar shaka kiba la shah tuh.
Hynriew napdeng jong ki,kidei kiba donkti ha kane ka kam bad la bun sngi kila tuh iaki kali ar shaka ne bike na bun tylli ki jaka bapher bapher bad ki pulit mynta kila sdang ia ka jingtohkit pyrshah ia ki, ong u wei u heh pulit.
Shuh shuh une u heh pulit u la ong ba kine ki briew ki donkti ban tuh ia ki bike na kylleng ki jaka jong ka Bajali mynta lah slem bha.
Ka tyllong khubor la ong ba ia kine ki bike bat uh ki ju die sha Myanmar lyngba ka Dimapur.
