Guwahati, Lber 31: Ka kynhun jong ka tnad Forest Lekhapani ha ka ha ka jingiatreilang bad ki pulit ka Ledu, kum shi bynta jong ka jingiakhun pyrshah ia ki kam tih dewiong beain kila ioh ban kurup ₹ 3,06,600, 35 tylli ki file, bad katto katne ki kot ki sla ha ka janmiet Sngi u Blei na ka iing sah jong u Kaushal Singh ha Eastern Assam jong ka Tinsukia District.
U Singh kham mynshwa u la shah kem teng ha ki pulit halor ka jingtih dewiong beain bad halor kane ka jingkhynra ki pulit kila kem ruh ia saw ngut ki briew kiba don kati ha kane ka kam.
Ki pulit ka Assam bad ki heh ka tnad Forest kiba hap hapoh ka Digboi Division, ki la leit ban khynra ïa ka ïing sah jong une u nongshah kynnoh, uba la shah kem ryngkat bad arngut ki paralok jong u kham mynshwa ha ka sngi Saitjaiñ halor ka jingkynnoh ba ki kit bad buh diesel ha Lekhapani Reserve Forest.
Katkum ki tyllong khubor la ong ba u nongkhaii dewiong ba pawnam u Kaushal Singh ryngkat bad ki paralok jong u u Rahul Singpho bad u Anil Prasad ki la kit ia ka umphniang diesel kaba 200 litar ha kawei ka trok pickup Bolero (registration number AS 23 DC 1662) sha ka jaka ba la buh kyrpang ban tih dewiong.
Ki pulit ki la kem ruh ia u Shrij Singh, u khun jong utei u nongshah kynnoh, uba la iathuh ba u donkti ha ka kam khaii dieng bad dewiong hapdeng ki jylla.
U wei u heh Pulit u la ong, “Ngi la sdang ia ka jingtohkit halor kane ka kam. Haduh mynta, ngi la kem ia saw ngut ki briew kiba iadei bad kane ka kam bad ka jingtohkit kaba kham bniah ka dang iaid shakhmat.”
