spot_img

Assam | Kem ka CBI ia u Manager barim ka PNB bad nongkhaii ba ban pisa ha Assam bad Nagaland

Date:

Share post:

Guwahati, Jylliew 7: Ka Central Bureau of Investigation (CBI) kala kem ia ar ngut ki riew shimet ba kynthup ia u Senior Manager ka Punjab National Bank (PNB) ha Dimapur, na Guwahati bad ia u wei u trai jong ka private company kaba don ha Dimapur, ha kaba iadei bad ka jingshah kynnoh donkti ban pynheh ia ka u pud airam sha ka 20 lak.

La kem ia ki na Guwahati,kka jylla Assam bad na Dimapur ka jylla Nagaland, hadien ba la register case da ka CBI ha ka 4 tarik u Jylliew 2025. La iathuh ba u heh ophisar barim jong ka PNB u la ioh pdiang T. 1 lak kum ka jingpynbam pisa sha ka bank account jong u na kawei ka account jong uwei u nongkhaii, ban pynheh ia u pud airam wat hapdeng ka jingbym biang ka pla tyngka jong ka company.

Halor kane, ka la pynlong ia ka jingkhynra ha 7 tylli ki jaka ba kynthup ia 5 tylli ki jaka ha Dimapur bad 2 tylli ha Guwahati ha ka 6 bad 7 tarik u Jylliew bad la lap ia ki kot ki sla ba donkam ryngkat bad ki tiar.

Na ka liang ki nongtohkit kila lap shai na ki sakhi satar ba ka lah ban don ka jingshim kabu na une u nongtrei jong ka bank ha kaba iadei bad ka pisa kaba la kot haduh 1.69 lak. Kumjuh ruh kila lap ia ki bill ne invoices ba shongdor ₹2.06 lakh ha kaba iadei bad ki tiar electronic ba la thied da une u nongkhaii ha ka kyrteng jong ka bank.

Share post:

spot_img
spot_img

Popular

More like this
Related

Pynbna ka UDP ban sei kyrtong ha ka elekshon GHADC

Shillong, Naitung 25 : Ka United Democratic Party (UDP)...

Plie u CM ia ka Swimming Pool ha Lapalang ba pyntrei na ka CM Elevate Program

Shillong, Naitung 25: U Myntri Rangbah ka Jylla u...

Pynkup burom ka Jylla iaki Heh Pulit ba khur takma ksiar na ka World Games ha USA

Shillong, Naitung 25: Ka long ka khyllipmat kaba sngewsarong...

Pynlong workshop ka Ophis u Principal Accountant halor ka jingai NDC ban shim ram ki nongtrei sorkar

Shillong Naitung 25: Ka ophis jongu Principal Accountant General...