Guwahati, Lber 08 : Ki bor pulit ka tnat Railway mynta ka sngi ki la ioh ban kurup shibun bah ki biskit ksiar kiba shongdor haduh kumba T. 3 klur hapoh ka steshon rel na Guwahati.
Ki khubor ki iathuh ba ki pulit ka tnat Railway ki la pynlong ka jingkhynra ha ki bynta jong ka Paltan Bazar Railway Station ha kaba ki la ioh ban kurup noh ia shibun bah ki biskit ksiar na ka rel Rajdhani Express.
Kine ki biskit ksiar kiba don baroh 20 tylli bad kiba khia 3.20 kilo la suba ba kin kot sha ka 3 klur tyngka.Halor kane ka jingjia ki pulit ki la kem noh ia uwei u briew ia uba la tip kyrteng kum u Sharif Alam.
Ha kajuh ka por la pynthikna ruh ba ia kine ki biskit ksiar na shalan tuh napoh Manipur bad thmu ban pynpoi sha ka nongbah jong ka ri hadien ba kila shah pynsangeh noh ha Guwahati.
Kaba kum kane ka jingjia ioh kurup biskit ksiar ka la jia ruh ka la jia ruh hynnin ka sngi 7 tarik, ha kaba ki pulit ka tnat Railway ki la ioh ban kurup katto katne ki biskit ksiar napoh ka steshon rel na Guwahati.Halor kane la kem ruh ia uwei u briew uba la tip kyrteng kum u Sampat Rao.
Na une u briew la ioh ban kurup kumba 320 gram ka ksiar.Katkum ki tyllong khubor la ong ba une u suba u la shah kem noh hadien ba ki pulit ki la ioh ia ka jingtip kaba thikna ha kaba iadei bad une u nongkhaii ksiar beain.Nalor kata la ong ruh ba kane ka ksiar ba la ioh kurup ka shongdor kumba T.20 lak.
