Guwahati, Iaiong 05 : Ki Pulit Special Task Force (STF) ka Assam, kila ioh ban kurup ia u droks ba palat 20 kilo bad ba shongdor haduh T.210 klur na kawei ka kali kaba wan na Mizoram.
Halor ki jingtip kiba paka, ka kynhun STF kala pynlong ia ka jingtalasi ia ki kali hajan Sahidpur kaba hap hapoh Silchar Police Station, Cachar District bad ha kane ka jingtalasi, kila ioh kurup haduh 21.5 kilo u heroin.
La ong ba une u droks u shongdor haduh T.210 klur.
La iathuh ba kane ka kali ka dei kaba la niah da uwei u briew ba kyrteng u Laldinuwa, uba la shah kem. Kane ka kali kala wan na Aizawl bad ia u droks la buhrieh ha ki synduk buh ruti bad biskit bala thep sha ki bynta ba shadien jong ka kali.
U Inspector General of Police Partha Sarathi Mahanta, uba khlieh ia ka kynhun STF, ula iathuh “ka khubor bala ioh lum ka dei kaba la wan la 10 sngi mynta, ba pyntip ba kan sa don ka jingwan kit ia u droks ba bun bah na ka Jylla ba marjan ban pynpoi sha ki ri thor ka Ri India.
U pyntip ba lai sngi mynshuwa, ki Pulit STF kila ioh jingtip ba kane ka kali kala mih na Mizoram.
Kane ka jingioh kurup droks kan dei kaba heh duh bala ioh kurup da ki Pulit ka Assam.
 ka Assam, kila ioh ban kurup ia u droks ba palat 20 kilo bad ba shongdor haduh T.210 klur na kawei ka kali kaba wan na Mizoram.){kind=link}