Guwahati, Jylliew 19: Ka tnad Scheduled Caste (SC) jong ka Assam Pradesh Congress Committee (APCC) ha ka sngi Palei kala pynlong ia ka jingiakhih hakhmat ka ophis u Deputy Commissioner ha Hengrabari, Guwahati, ban dawa ia ka jingtohkit ba bniah ha kaba iadei bad ka jingpyndonkam bakla ia ka pisa kaba la kot haduh ₹1,885 klur ia kaba la mang na ka bynta ka bha ka miat jong ki jaidbynriew Scheduled Caste.
Ha kane ka jingiakhih, ka APCC kala aiti ruh da ka dorkhas sha u Lat ka jylla jong ka Assam u Lakshman Prasad Acharya, lyngba u District Commissioner jong ka Kamrup Metro, ha kaba kila dawa ban peit bniah bha ha ryngkat ka jingkit khlieh ia ka jingkynnoh pyndonkam bakla ia ka pisa.
Kane ka kynhun kala pyrta slogan ban pynrem ia ka sorkar bad na ka liang jong ka APCC- SC kala kynthoh jur ia ka sorkar Assam da kaba kynnoh ba kala pyndonkam bakla ia ka pisa ka Ministry of Social Justice and Empowerment, kaba la mang hapdeng u snem 2021 bad u snem 2023. Kane ka pisa la mang ban kyntiew ia ki rit paid SC, ha kaba kila kynnoh ba la pyndonkam bakla shawei pat ia kane ka pisa.
Haba kren sha ki lad pathai khubor, u dkhot jong ka APCC SC Department u la ong, “Ka SC welfare funds kaba dei naduh u snem 2021 haduh u snem 2023 kala shah pyndonkam bakla. Ka sorkar ka ai ruh ia ka syrnot sha ki briew ki bym dei ban ioh, Katba kidei hok ban ioh kila shah pynduh noh. Ngi ngeit skhem ba ia ka pisa ba la kot haduh ₹1,885 klur la shim kabu bad kumta ngi dawa ba dei ban shim ia ka jingkitkhlieh.”
Na ka liang u Chairperson jong ka APCC SC Department, u Krishna Das, u la pynpaw ka jingsngewkhia kaba jur bha halor kane ka bynta.
“Kane kadei ka pisa kaba la bun bah ia kaba la mang na ka bynta ki paid SC kiba don ha kylleng jong ka” ula ong.
 jong ka Assam Pradesh Congress Committee (APCC) ha ka sngi Palei kala pynlong ia ka jingiakhih hakhmat ka ophis u Deputy Commissioner ha Hengrabari, Guwahati, ban dawa ia ka jingtohkit ba bniah ha kaba iadei bad ka jingpyndonkam bakla ia ka pisa kaba la kot haduh ₹1,885 klur ia kaba la mang na ka bynta ka bha ka miat jong ki jaidbynriew Scheduled Caste.){kind=link}