spot_img

Assam | Iakhih ka BJP ha Jylla ban dawa kem ia u MLA ka Congress ba kynnoh thombor ia ka Doktor

Date:

Share post:

Dibrugarh, Lber 25: Ka Bharatiya Janta Party (BJP) lyngba ka Scheduled Tribe Morcha ka la pynlong ia ka jingiakhih ha kylleng ka jylla Assam ban dawa  kem  mardor ia u MLA ka Congress u Nurul Huda halor ka jingkynnoh ba u thombor ia u Dr. Nomal Momin.

Ki dkhot ka BJP ki la pynlong ïa ka jingïakhih shong kyllain myngor ha Chowkidingee shwa ban rung sha ka ophis jong u Deputy Commissioner, Dibrugarh bad ha kane ka jingiakhih ki nongialam ka BJP ki la kynthoh jur ia katei ka jingjia bad dawa ban kem mardor ia u Huda.

Ha kane ka jingiakhih ki dkhot ka BJP ki la bat ryngkat bad ki plakad bad ki la pyrta ia ki jingpynrem, da kaba kyntu ban pynngat mardor ia ka ain pyrshah ia ka Huda.

Kum ban shu kdew hangne u Dr. Nomal Momin, u dei ruh u MLA jong ka Bokajan Assembly Constituency.

U Dulal Bo uba dei u President ka BJP Dibrugarh u la ong, “Ngi dawa ba u MLA ka Congress u Nurul Huda u dei ban risaiñ noh na ka kam namar ba u la leh ïa ka kam kaba pynjah burom. Kane ka dei ka kam kaba sngewkhia bha bad lada ia ki barit baria shah pynshitom namar ki kam runar kum ka jingshah thombor, balei ba yn pher ïa u MLA? Ka aiñ ka dei ban long kaba ïaryngkat na ka bynta baroh,”.

Shuh shuh u Dulal u la ong, “Ngi dawa ba dei ban kem mardor ia u Nurul Hudda namar ka jingleh jong u bad ia kane dei ban pynrem jur namar ba u la pyndonkam bakla ia ka kyrdan kaba u bat ban leh ia kum kane ka kam.”

Ki nongialam ka BJP ki la maham tyngeh ruh ba lada ym leh eiei pyrshah ia u Huda kan sa mih ka jingbym shongsuk shong sain ha baroh kawei ka jylla.

Ha kajuh ka por, kum kane kajuh ka jingiakhih la pynlong ha Morigaon Awart Bhawan da ka BJP Morigaon district committee, ha kaba la pynrem jur ia ka jingshah thombor u Dr. Momin.

Share post:

spot_img
spot_img

Popular

More like this
Related

Kyntu ki Tour Operator ia ka AKMTTA ban sangeh ka khang ia ki kali tourist na Assam

Shillong, Nailur 17 : Ka Tour Operator Association of...

Kem ki Pulit ia u Khynnah 13 snem halor ka jingiap I Khynnah ha Nongrah

Shillong, Nailur 17 : Ki Pulit ka East Khasi...

Shimti u President ka UDP ia ka shuki Myntri ha ka Sorkar MDA-II

Shillong Nailur 17: U Nongialam jong ka seng United...

Pynbna ka MCA ia ka thup ki nongialehkai U-19 ban leit sha ki lympung BCCI 2025-2026

Shillong, Nailur 17: Ka Meghalaya Cricket Association ka la...